Qarax ka dhacay Xarunta Tababarka Booliska Soomaaliya

Image

MUQDISHO, Soomaaliya - Qarax Ismiidaamin ah ayaa ka dhacay gudaha xerada tababarka Booliska Soomaaliya ee Jeneraal Kaahiye oo ku yaalla magaalada Muqdisho.

Nin isku soo xiray walxaha qarxa, islamarkaana ku lebisnaa dareeska ciidamada ayaa isku qarxiyay gudaha xarunta xilli Askarta ay samaynayaan gaardi ka ciyaar ay ugu diyaargaroobayeen xuska aas-aaska Booliska Soomaaliya oo ku beegan 20-ka December.

"Ciidamada safaf dhaadheer ayay jireen xilliga qaraxa waxayna isku diyaarinayeen xuska 20-ka December," ayuu yiri Capt Mahad Cisman oo kamid ah Saraakiisha booliska goobta ku sugnaa.

Qaraxa waxaa uu ahaa mid aad u culus oo dhawaqiisa laga maqlay qeybo kamid ah Muqdisho, waxaana kasoo baxaya warar kala duwan sida ninka is qarxiyay ugu suurta gashay inuu gudaha galo.

Saraakiisha ayaa sheegay in ku dhawaad 20 Boolis ah ay ku dhaawacmeen weerarka, kaasi oo mas'uuliyadiishu sheegatay Al Shabaab.

Kooxda Al Shabaab waxay sheegtay in ugu 27 Askari oo boolis ah inay ku dishay qaraxa.

GAROWE ONLINE

Related Articles

Laftagareen oo Ka Qayb Galay Xuska 129-aad ee Guushii Itoobiya ka gaartay dagaalkii Adwa

Wuxuu sidoo kale xusay in xuska noocan ah uu muhiim u yahay kor u qaadista isbeddelka siyaasadeed iyo dhaqaalaha ee qaaradda Afrika.

  • Soomaliya

    03-03-2025

  • 12:40PM

Madaxweynaha Soomaaliya oo La Kulmay Dhibaato Ka Dhalatay Iskaashiga Itoobiya

Booqashadan ayaa timid kadib dadaallada dhexdhexaadinta ee Madaxweynaha Turkiga Recep Tayyip Erdoğan ee bishii December 2024.

  • Soomaliya

    03-03-2025

  • 11:56AM