Wasiir ka tirsan dowladda Federaalka oo lagu dilay Muqdishu

Image

MUQDISHU, Somalia - Wasiirka howlaha Guud iyo dib-u-dhiska Dowladda Federaalka Somalia Cabaas Cabdullaahi Sheekh Siraaji ayaa caawa lagu dilay magaalada Muqdishu, ee caasumadda dalka Somalia.

Cabaas Cabdullahi Sheekh Siraaji, oo ahaa wasiirka ugu da'da yar wasiirada cusub ayaa ku dhintay rasaas lagu furey gaarigiisa, xilli uu marayay meel ku dhaw xarunta Madaxtooyada Villa Somalia.

Wasiirka warfaafinta Somalia Cabdiraxmaan Cumar Cismaan Yarisow ayaa xaqiijiyay dilka Wasiirka, waxaana uu ka gaabsaday inuu fahfaahin dheeraad ah ka bixiyo cida dishay.

Warar GO uu helay ayaa sheegay in ciidamo illaalo u ah Hant-dhowraha Guud ee qaranka ay rasaasta ku fureen Gaariga Wasiirka Howlaha Guud, kadin markii sida la sheegay ay ka shakiyeen.

Waxaa lagu soo waramayaa inla qabtay 4 kamid ah Askarta dilka geysatay, islamarkaana uu socdo baaritaan xooggan.

Cabaas Cabdullahi Sheekh Siraaji, ayaa sidoo kale ahaa Xildhibaan katirsanaa Aqalka hoose ee Baarlamaanka Somalia, waxaana laga soo doortay Jubbaland.

Wuxu mudo 20 sano ah uu ku noolaa xerada IFO ee katirsana Dhadhaab, oo uu kamid ahaa Kumanaanka qaxootiga Soomaaliyeed ee halkaasi ku noolaa wixii ka dambeeyay burburkii dowladdii dhexe ee dalka.

Magalaada Muqdishu ayaa waxaa ka jira Cabsi farabadan oo la xiriirta qaraxyada lalal beegsanayo madaxda dowlada, saraakiisha iyo shacabka.

GAROWEONLINE

Related Articles

Laftagareen oo Ka Qayb Galay Xuska 129-aad ee Guushii Itoobiya ka gaartay dagaalkii Adwa

Wuxuu sidoo kale xusay in xuska noocan ah uu muhiim u yahay kor u qaadista isbeddelka siyaasadeed iyo dhaqaalaha ee qaaradda Afrika.

  • Soomaliya

    03-03-2025

  • 12:40PM

Madaxweynaha Soomaaliya oo La Kulmay Dhibaato Ka Dhalatay Iskaashiga Itoobiya

Booqashadan ayaa timid kadib dadaallada dhexdhexaadinta ee Madaxweynaha Turkiga Recep Tayyip Erdoğan ee bishii December 2024.

  • Soomaliya

    03-03-2025

  • 11:56AM