Koonfur Afrika: Nin lagu helay 90 kiis kufsi ah oo xukun adag lagu riday

Nkosinathi Phakathi ayaa falalkan geystay intii u dhaxaysay 2012 iyo 2021.

NAIROBI, Kenya - Nin gudaha dalka Koonfur Afrika caruur da’doodu ka yar tahay sagaal sano ugu geystay kufsi ayaa lagu xukumay 42 xabsi daa’im ah.

Nkosinathi Phakathi ayaa lagu helay 90 dacwadood oo kufsi ah – waana weeraro dhanka jinsiga ah oo uu geystay intii u dhaxaysay 2012 iyo 2021.

40-jirkan ayaa mararka qaar ka dhigi jiray caruur daawado isaga oo kufsanaya dhibanayaashiisa, waxa uuna sidoo kale ku qasbay wiilal yar yar in ay kufsadaan dumarka saaxiibadood ah, ayay tiri Xeer ilaalinta Qaranka Koonfur Afrika (NPA).

Dembiyada Phakathi ayaa ka dhacay gudaha ama agagaarka Ekurhuleni, oo ah degmo bari ka xigta magaalada Johannesburg.

Jimcihii, maxkamadda sare ee Johannesburg ayaa dhageysatay in Phakathi lagu xukumay 42 xabsi daa’im ah oo lagu soo eedeeyay eedeymo ay ka mid yihiin kufsi, afduub, xatooyo iyo weerar.

GAROWE ONLINE