Rajada Soomaaliya ka qabto in laga qaado xayiraadda hubka

Xukuumadda Muqdisho ayaa dardargelisay ololaheeda ku aadan in lasoo gabagabeeyo cunaqabateyntan.

MUQDISHO, Soomaaliya - Muddo sanado ah, Golaha Ammaanka ee Qaramada Midoobay ayaa waxa uu waday geedi-socod isbarbar socda oo cunaqabatayn hub lagu saarayo Soomaaliya oo halgan ugu jirto sidii ay uga adkaan lahayd Al-Shabaab.

Toddobaadkii hore, Golaha Nabadda iyo Ammaanka ee Midowga Afrika ayaa sheegay in Qaramada Midoobay ay ahayd inay tixgeliso "codsiga soo noqnoqda" ee Soomaaliya si looga saaro xayiraadda.

Golaha oo la tacaala khataraha amni ee qaaradda ayaa sheegay in Soomaaliya ay tahay in laga qaado cunaqabateynta saaran "si wax looga qabto khataraha amni ee Al-Shabaab kahor bixitaanka ciidanka ATMIS 31-ka Diseembar 2024."

ATMIS waa Hawlgalka Ku Meel Gaarka ah ee Midowga Afrika ee Soomaaliya kaasoo waajibaadkiisa uu haatan yahay in uu mas'uuliyadda ammaanka ku wareejiyo ciidamadda Soomaaliya.

Soomaaliya oo dalabkeeda qaaditaanka xayiraadda hubka uu dhowrkii bilood lasoo dhaafay ka socdey warbaahinta ayaa rajeynaysa in bisha dambe ay soo gabagabowdo cunaqabateyntan saarneyd 30-kii sano ee la soo dhaafay.

Xayiraadan ayaa markii hore loosoo rogay si looga hortago in hubka loo gudbiyo qabqablayaasha dagaalkii sokeeye, waxaana siyaabo kala duwan loogu cusboonaysiiyay qaraaro kale oo ka soo baxay Golaha Ammaanka ee Qaramada Midoobay.

Bishii Nofembar ee la soo dhaafay, Golaha Ammaanka ee Qaramada Midoobay ayaa u codeeyay in lagu kordhiyo xayiraadda hal sano, balse waxaa ka aamusay 11 afar xubnood kale oo kamid ah golaha.

Madaxweyne Xasan Sheekh Maxamuud ayaa todobaadkii hore ku celiyay in xayiraadaasi ay waqtigeedu dhaaftay ka dib markii uu marti geliyay wafdi ka socday Qaramada Midoobay oo uu hogaaminayay Xoghayaha Guud, Antonio Guterres.

"Sababta loo cuskaday cunaqabateynta hubka ee asalka ah sidii ay ahayd 1992-kii ma ahan mid ujeeddada maanta," ayuu yiri. "Weerarka hadda lagu hayo Al-Shabaab iyo dhimista ATMIS waxay ku baaqaysaa in la qalabeeyo ciidamada ammaanka ee Soomaaliya".

Guterres ayuu ka codsadey inuu isticmaalo xafiiskiisa si uu uga adkaado 15-ka xubnood ee Golaha Ammaanka. Guterres ayaa shirka jaraa'id waxa uu xilligaas ka sheegay in uu waqti siin doonto qaddiyaddan marka uu dib ugu laabto xafiiskiisa New York.

GAROWE ONLINE