Tahriibayaal ku geeriyoodey doon ku rogmatay badda Faransiiska

Lixda qof ee dhintay waxay ahaayeen rag Afgaanistaan ​​ah oo loo malaynayo inay da'doodu tahay 30 jir.

NAIROBI, Kenya - Lix qof ayaa geeriyoodey kadib markii dooni ay la socdeen tahriibayaal ay ku degtay Channel-ka, ee xeebaha Faransiiska, sidda laga soo xigtey warbaahinta maxaliga ah.

Ilaalada xeebaha Faransiiska ayaa waxa ay shaaca ka dhigeen in markabka uu si dhib leh ugu galay badda u dhow Calais saacadihii hore ee Sabtidii shalay ahayd.

Konton iyo sagaal qof - oo badankoodu Afgaanistaan ​​ah - ayaa waxaa soo badbaadiyay ilaalada xeebaha Faransiiska iyo Ingiriiska, sida ay saraakiishu sheegeen.

Balse waxaa la joojiyay baadigoobka labo ruux oo laga yaabo in wali la la’yahay. Dadka qaar ayaa la arkayay iyadoo laga soo dejinayo doon badbaado gudaha Dover oo saran bareelo.

Ilaa iyo hadda ma cadda inta uu la egyahay dhaawaca iyo tirada saxda ah ee dadka la soo badbaadiyay oo isbedeshay maalintii shalay iyadoo xog dheeraad ah laga helay.

Lixda qof ee dhintay waxay ahaayeen rag Afgaanistaan ​​ah oo loo malaynayo inay da'doodu tahay 30 jir, wakaaladda wararka ee AFP kasoo xigatay Philippe Sabatier, oo ah ku xigeenka dacwad oogaha magaalo xeebeedka Faransiiska ee Boulogne.

Dhacdadan ayaa timid kadib markii dowladda UK ay wajahday cadaadis. Muhaajiriintii ugu horreysay ee doonta fuula waxay ahayd in laga saaro ka dib markii bakteeriyada laga helay nidaamka biyaha.

GAROWE ONLINE