Yurub oo wajahaysa kuleyl daran iyo digniin lasoo saarey

Heerkulkii ugu darnaa ee abid laga diiwaan geliyo Yurub wuxuu gaarey 48.8C Sicily bishii Agoosto sanadkii 2021.

LONDON, UK - Digniin cas ayaa la soo saaray 15 magaalo oo ku yaala Talyaaniga iyadoo kulaylka ba'an uu weli ka jiro koonfurta Europe.

Ogeysiiska oo qeybi ka ah talooyin caafimaad ayaa ku wajahan goobaha dalxiiska ee Rome, Florence, iyo Bologna.

Wakaaladda hawada sare ee Yurub (ESA) ayaa sheegtay in Italy, Spain, France, Germany iyo Poland laga yaabo inay wajahaan kuleyl daran.

Dawladda Talyaanigu waxay kula talisay cid kasta oo ku sugan meelaha ay khusayso digniinaha cas ee inay ka fogaadaan iftiinka qorraxda tooska ah inta u dhaxaysa 11:00 barqanimo iyo 18:00 fiidnimo.

Talaabadan dhanka badqabka ah ayaa si gaar ah waxaa loo siiyey dadka waayeelka iyo kuwa jilicsan.

Heerkulkii ugu darnaa ee abid laga diiwaan geliyo Yurub wuxuu gaarey 48.8C Sicily bishii Agoosto sanadkii 2021.

Saadaasha ayaa waxay sii jeedinaysaa in khatar heerkaas la eg ay todobaadkan ka dhici karto qaaradda Yurub.

GAROWE ONLINE