Booliska Kenya oo qabtey sarkaal sare oo ka tirsan Al-shabaab
-
- Posted On 17-05-2015, 08:32AM
May 17, 2015 (GO)- Booliska dalka Kenya ayaa sheegay inay qabteen sarkaal ka tirsan ururka Al-shabaab.
Taliyaha Booliska Mombasa Robert Kitur ayaa u sheegay war-baahinta in ninkan oo da'diisu 45-jir tahay lagu magacaabo Cabdalla Saalim Bindo.
Dembiyada ninkan lagu soo eedeeyey waxaa kamid ah inuu Al-Shabaab ka caawin jiray dhaqaalaha iyo qorista dhallinyarada Kenyanka ah ee ku biiraya Al-shabaab.
Dowladda Kenya ayaa xirxirtey tobannaan qof oo laga shekiyey, laga soo bilaabo weerarkii khasaaraha badan dhaliyey ee Al-shabaab la beegsatey Jaamacadda Gaarisa.
GAROWE ONLINE
