Dadka uu haleelay Covid-19 ee caalamka oo kor-u-dhaafay 10 milyan

Image
Image
Image
Image
Image

WASHINGTON, US – Tirada dadka uu ku dhacay Coronavirus ee guud ahaan caalamka ayaa Axada maanta ah kor-u-dhaafay tobban milyan, sidda ay ku warantay wakaaladda wararka afka dheer ee Reuters.

Sidda ku xusan warbixinta, dadka illaa iyo haatan la xaqiijiyey in ay u dhinteen caabuqaan faafa ayaa ku dhow nus milyan.

Intaas waxaa wehlisa, in ka badan shan milyan oo kale ayaa kasoo bogsaday xanuunka, todobadii bilood ee u dambeysay.

Hay'adda Caafimaadka Aduunka ayaa ku celcelisay in khatarta xanuunka ay wali taagan tahay loona baahan yahay taxadar.

Dhanka kale, Talyaaniga ayaa diiwaan-gelisay tiradii ugu yareyd oo ah dhimashada maalinlaha tan iyo 1-dii bishii Maaj, todobaad kadib markii waddankaas uu galay xaalad go'doon ah sabab ku aadan cudurka.

Mareykanka ayaa dhankiisa soo wariyey 2.5 milyan oo ah kiisas cusub, kuwaas oo kordhinaya wadarta oo ahayd in ka badan 44,000.

Jaamacadda Johns Hopkins oo si dhow ula socota dhaqdhaqaaqa xanuunka ayaa sheegtay in geerida Mareykanka ay dhaaftay 125,000.

Sikastaba ha ahaatee, Covid-19 ooo kasoo bilowday bartamaha Shiinaha ayaa ku faafay aduunka oo uu geliyey xaalad go'doon ah iyo kala xirnaan dhinacyadda duuliyadda iyo hoos u dhac dhaqaalaha aduunka.

GAROWE ONLINE

Related Articles

Nin $28,000 looga dhacay xiriir jaceyl oo loo adeegsaday 'gabar' AI ah

Si ay khiyaanadooda u dhameystiraan, kooxdu waxay xitaa sameeyeen aqoonsi iyo warbixinno caafimaad oo been abuur ah.

  • Caalamka

    26-02-2025

  • 02:12PM

Trump iyo Macron oo Ku Heshiiyay In Kharashka Amniga Ukraine La Wadaago

Kadib markii uu la kulmay Macron in kulan qarsoodi ah oo ka dhacay Aqalka White House muddo ka badan saaca.

  • Caalamka

    25-02-2025

  • 09:09AM