Dowladaha Sacuudiga iyo Iiraan oo qalinka ku duugay heshiis kale

Wakaaladda Wararka rasmiga ah ee Sacuudiga ayaa sheekadan warisay subaxnimadii Isniinta maanta ah.

RIYADH, Saudi Arabia - Wasiirka Arrimaha Dibadda ee Boqortooyada Sacuudi Carabiya, Amiir Faysal bin Farhan iyo dhiggiisa Iran, Hossein Amir-Abdollahian ayaa kulmi doona inta lagu guda jiro bisha Ramadaan.

Wakaaladda Wararka rasmiga ah ee Sacuudiga ayaa sheekadan warisay subaxnimadii Isniinta maanta ah iyadda oo soo xigatay illo wareedyo aysan soo bandhigin magacyadooda.

Diblomaasiyiinta oo sidoo kale yeeshay wada hadal dhanka telefoonka ah ayaa isla soo qaadey arrimo uu ku jiro dardargelinta iyo fulinta heshiiskii saddex geesoodka ahaa ee ay la saxiixdeen Shiinaha.

Bishan March 10-keedii, Sacuudiga iyo Iran ayaa ku heshiiyey inay dib u soo ceshadaan xiriirkooda diblomaasiyadeed, dib u furista safaaradaha iyo inay safiiro is dhaafsadaan laba bilood gudahood.

Labada dal ayaa xiriirka jaray sanadkii 2016-kii. Go'aanka dib u soo celinta xiriirka ayaa yimid ka dib wadahadalo socdey intii u dhaxeysay 6-dii Maarso ilaa 10-kii March.

Wadaxaajoodka ayaa waxa uu ka dhacay magaalada caasimada ah ee Beijing waxaana halkaas lagu saxiixay lagu saxiixay heshiiska saddex geesoodka ah ee Shiinaha, Sacuudi Carabiya iyo Iran.

Xukuumadaha Riyadh iyo Tehran waxay sidoo kale ku heshiiyeen in la dhaqaajiyo heshiiskii iskaashiga amniga ee la saxiixay 2001 iyo heshiiska ganacsiga, dhaqaalaha iyo maalgashiga ee la saxiixay sanadkii 1998-kii.

GAROWE ONLINE