Fahfaahino laga helay qarax ka dhacay Mareykanka

Image

WASHINGTON, US – Qaraxii Jimcadii ka dhacay magaaladda Nashville ayaa laga yaabaa inuu ahaa ismiidaamin, sidda ay warbaahinta maxalliga ah ee Mareykanka kasoo xigatay saraakiisha dhanka ammaanka.

Baarayaasha ayaa bilaabay baaritaano DNA ah kadib markii meyd laga helay meel u dhow goobta qaraxa xooggan ka dhacay.

Sidda laga soo xigtay warbixinadda, ciidamadda ayaa Sabtidii waxay baareen guriga qof degan xaafadda Antioch ee magaaladda. Hasa ahaatee, ma cadda sababta dhabta ah ee dhalisay talaabadda.

Bogga Newsweek ayaa wariyey in ciidamadda ay isku dayayaan in ay aqoonsadaan hooyadda dhashay ruuxa ay meydkiisa heleen. Saraakiishu waxay xuseen in ay illaa haatan heleen 500 dheecaano oo la xiriira qaraxa.

Qaraxa ayaa sababay dhaawaca seddex qof isla markaana carqaladeeyay nidaamyadii isgaarsiinta ee ismaamulka Tennessee iyo afar gobol kale. Burbur xoogan ayuu gaarsiiyey dhismeyaal ka akdhowaa aaggaas.

Ma cadda ujeedka dhabta ah ee laga lahaa qaraxaas. Sidoo kale, ma jirto cid illaa haatan dusha u ridatay mas'uuliyadda falkaas.

Dhanka kale, ganacsato iyo mulkiileyaal telefishino ayaa ku tabarucay in ka badan $300,000 (£ 224,000) si loo soo qabto kuwa mas'uulka ka ah falkaas keenay in ay heegan galaan ciidamadda nabad-gelyadda.

GAROWE ONLINE

Related Articles

In ka badan 160 qof oo weli la la’yahay kaddib fatahaado ka dhacay Texas

Biyaha xooggan ayaa si lama filaan ah u dhex maray xerada, iyadoo ay jiiteen guryaha jiingadaha ah ee dadka hurday.

  • Caalamka

    09-07-2025

  • 05:17AM

Madaxweyne Trump oo Sheegay in Maraykanka uu Wadahadallo la Yeelanayo Iran

Wadahadalladii lixaad ee u dhexeeyay Maraykanka iyo Iran ayaa loo qorsheeyay inay dhacaan 15-kii Juun.

  • Caalamka

    08-07-2025

  • 11:58AM