Israel oo looga baqayo in uu ka dhaco dagaal Sokeeye
-
WARIYAHA CAALAMKA GAROWE ONLINE
- Posted On 24-07-2023, 03:12AM
TEL AVIV, Israel - Dadwaynaha Yuhuuda ayaa sii wada dibad-baxyada ay uga soo horjeedaan isbedelo lagu sameeyo awoodaha garsoorka dalkaas.
In ka badan kun oo kamid ahaa ciidamada keydka ah ee Cirka ayaa sheegay in ay isaga tageen shaqada.
Inta badan Gudoomiyayaasha jaamacaddaha Israel ayaa iyana ku dhawaaqay in ay shaqo joojin bilaabeen iyaga oo ka caraysan awoodaha Garsoorka ee hoos loo dhigayo.
Waxaa soo baxaya warar sheegaya in ciidamada Israel ay ka dhex bilaabatay amar diido isla markaana ciidamada qaybtood ay kasoo horjeedaan tilaabooyinka Xukuumada.
Shacabka Yuhuuda oo hubeysan ayaa laga baqayaa in uu ka dhex qarxo dagaal sokeeye walaw ay arintaasi in ay soo deg-degto meesha ka saareen khubarada ku xeel-dheer arimaha Israel.
GAROWE ONLINE
