Kazakhstan: Muddo xileedka madaxweynaha oo la xaddidey

Magaca caasimadda dalkan ku yaala Aasiyada dhexe ayaa sidoo kale waxaa loo celiyey Astana.

ASTANA, Kazakhstan - Madaxweynaha Kazakhstan ayaa saxiixay sharci xaddidaya muddada madaxweynaha iyo dib ugu noqoshada magacii hore ee caasimadda dalka Aasiyada dhexe, taasoo ah tallaabadii ugu dambeysay ee uu kaga baxay dhaxalkii madaxweynihii isaga ka horreeyay.

Kassym-Jomart Tokayev ayaa Sabtidii saxiixay sharci kordhinaya xilka madaxweynaha oo ka dhigaya 7 sano, laga bilaabo shanta sano ee hadda jirta, waxaana madaxweyne kasta ka mamnuucaya inuu mar labaad u tartamo xafiiska.

Baarlamaanka Kazakhstan oo ay ku badan yihiin taageereyaasha madaxweynaha haatan xafiiska jooga ayaa si wada jir ah u taageeray wax ka beddelka kadib laba akhrin Jimcihii.

Sharciga ayaa sidoo kale dib u soo celiyay magaca caasimadda Astana. Magaca waxaa loo bedelay Nur-Sultan bishii Maarso 2019, iyadoo lagu sharfay madaxweynaha xilka ka degaya Nursultan Nazarbayev.

Isbadalku wuxuu dhaqan galayaa isla markiiba, sida lagu sheegay digreeto lagu daabacay mareegta madaxtooyada taasoo ay si weyn u faafisay warbaahinta maxaliga ah ee waddankaas.

Astana waxa ay noqotay caasimadda Kazakhstan 1997-kii kadib markii Nazarbayev, oo dalkaas hoggaaminayay soddonkii sano ee la soo dhaafay Midowga Soofiyeeti, ka dib markii uu xornimada qaatay 1991-kii, uu ka guuray Almaty.

Tokayev ayaa markii uu xukunka yimid wuxuu bilaabay dib-u-habeyn isaga oo ku baaqay "heerar cusub oo nidaam siyaasadeed leh oo leh iyo xeerar cadaalad ah oo furan".

Rabshado ayaa dalkaasi ka dhacay bishii Janaayo, waxaana ku dhintay in ka badan 200 oo qof. Qalalaasahan oo ka dhashay kor u kaca ku yimid qiimaha shidaalka, ayaa sidoo kale muujiyay niyad-jab baahsan oo laga qabo siyaasadda dalkan hodanka ku ah kheyraadka tamarta.

GAROWE ONLINE