Khasaaraha Ruushka ka soo gaaray dagaalka Ukraine oo la helay

Horaantii bishaan, sirdoonka Mareykanka ayaa qiimeeyay in ilaa 4,000 oo askari oo Ruush ah la dilay.

KYIV, Ukraine – NATO ayaa ku qiyaastay in ilaa 40,000 oo ciidamada Ruushka ah la dilay, la dhaawacay, la qabtay ama lagu waayay bishii ugu horreysay ee dagaalka Kremlin-ka ee Ukraine, sida ay ku warantay warbaahinta reer galbeedka oo xiganaysa saraakiil ka tirsan NATO oo aan lamagacaabin.

Inta u dhaxaysa 7,000 iyo 15,000 oo ka mid ah ciidamada Ruushka ayaa dhintay, sida uu sheegay sarkaalka, oo ka hadlay xaaladda qarsoodiga ah si uu warbaahinta ula wadaago qiimeyntii ugu dambeysay ee sirdoonka NATO ee dagaalka socda.

Saraakiisha Ruushka ayaa horay uga gaabsaday inay si cad u shaaciyaan tirada ciidamadooda ee ku dhintay dagaalka ka socda Ukraine. Talaadadii, afhayeenka Kremlin-ka Dmitry Peskov ayaa sheegay in shaacinta tirooyinkan ay tahay "xuquuqda gaarka ah" ee Wasaaradda Difaaca Ruushka.

"Tirooyinka, waxaan ku heshiinnay bilowgii hore in aanan haysanin awood aan ku sheegno inta lagu jiro howlgalka gaarka ah ee militariga," ayuu yiri Peskov, isagoo diiday inuu sii faahfaahiyo.

Pentagon-ka ayaa horey u beeniyey inay xaqiijinayaan qiyaasaha la sheegay ee tirada ciidamada Ruushka ee lagu dilay ama laga saaray goobta dagaalka.

Sarkaal sare oo ka tirsan waaxda Difaaca Mareykanka ayaa wariyeyaasha u sheegay in ay weli ku adag tahay Pentagon-ka in ay bixiyaan qiyaasaha khasaaraha maadaama Mareykanka uusan ciidan ka joogin gudaha Ukraine.

Sarkaalkan ayaa sheegay in ciidamada Ruushka ay ku sii badanayaan saadka iyo taliska iyo arrimaha xakamaynta iyo balse ay qabaan dhibaatooyin xagga niyadda ah.

Horaantii bishaan, sirdoonka Mareykanka ayaa qiimeeyay in ilaa 4,000 oo askari oo Ruush ah lagu dilay dagaalka Kremlin-ka ee labada toddobaad ka socday Ukraine.

Tiradaas, oo la wadaagay intii lagu guda jiray dhageysiga aan la shaacin ee 8-dii Maarso oo lala yeeshay sharci-dejiyeyaasha, waxaa soo bandhigay Lt. Gen. Scott Berrier, oo ah agaasimaha Hay'adda Sirdoonka Difaaca.

Horaantii Arbacadii, Xoghayaha Guud ee NATO Jens Stoltenberg wuxuu sheegay in isbahaysigu uu ansixin doono "kordhinta weyn" ee ciidamadooda.

Stoltenberg waxa uu sheegay in NATO ay u badan tahay in ay xoojiso ciidamada garabkeeda bari, iyada oo geynaysa afar kooxood oo dagaal oo cusub Bulgaria, Hungary, Romania iyo Slovakia.

Safiirka Maraykanka ee NATO Julianne Smith ayaa u sheegay dad goob-joog ah oo ay marti galiyeen golaha Atlantic Arbacadii in fadhiisimo joogto ah oo ciidamada Maraykanka iyo NATO ay hadda miiska saaran yihiin.

GAROWE ONLINE