LAMU: Qarax lala eegtay ciidanka Kenya
-
- Posted On 08-03-2017, 12:26PM
LAMU, Kenya- Wararka laga helayo deegaan xeebeedka Lamu oo dhacda xadka ay wadaagaan Kenya iyo Somalia ayaa sheegaya in qarax lala eegtay ciidamo katirsan kuwa difaaca dalkaas oo marayay xadka ay wadaagaan Somalia iyo Kenya.
Qarax lagu aasay dhulka ayaa la kacday mid kamid ah baabuurta ay wateen Kolonyo katirsan ciidanka KDF.
Saraakiil katirsan laamaha ammaanka dalka ayaa xaqiijiyay inuu dhintay mid kamid ah askartooda.
Wararku waxay intaas ku darayaan inay dhaawcmeen ilaa Shan askari oo kale kuwaasoo kamid ah ciidamada la qarxiyay.
Ururka Al Shabaab ayaa sheegtay mas'uuliyadda weerarkaas oo kusoo beegmay iyadoo ammaanka deegaan xeebeedka Lamu aad loo adkeeyay.
Ciidamo dheeraad ah ayaa loo diray goobta shilku ka dhacay, si baaritaan loogu sameeyo xaqiiqada rasmiga ah ee Lamu ka dhacday.
Deegaanka Lamu ayaa kamid ah ilaha ugu muhiimsan ee Kenya ka hesho dhaqaalaha, maadama ay u dalxiis tagaan dadyow kala duwan.
Balse, hoos u dhac ayaa laga dareemayaa dhaqaalaha dalxiiska dalka Kenya ee deegankaas kadib markii uu batay weerarada kooxda Al Shabaab.
GAROWEONLINE
