Madaxweynaha FIFA iyo la kulmay boqorka Sacuudiga

Madaxweynaha xiriirka kubada cagta aduunka ee FIFA Gianni Infantino ayaa magaalada Riyadh ee caasimada Sacuudiga kula kulmay boqorka dalkaasi Salman bin Abdulaziz.

Labada mas'uul ayaa waxay kawada hadleen howlaha xiligan ka dhexeeya xiriirka kubada cagta aduunka ee FIFA iyo xiriirka kubada cagta dalka Sacuudiga iyagoo falanqeeyay arimo dhowr ah oo ku saabsan sida FIFA ay gacan kaga geysan karto horumarinta ciyaaraha Sacuudiga.

Kulanka ay wada qaateen madaxweynaha xiriirka kubada cagta aduunka ee FIFA iyo boqorka dalka Sacuudiga Salma bin Abdulaziz ayaa wuxuu ka dhacay qasriga qadiimiga ah ee al-Yamama waxaana wahadalkooda uu qaatay mudo saacad ah oo ay arimo badan ka wada hadleen.

Shirka ay yeesheen mas'uuliyiinta ayaa waxaa ka soo qeybgalay xubno ka tirsan boqortooyda dalka Sacuudiga iyo maamulka xiirka kubada cagta Sacuudiga iyo wasiirka arimaha dibada dalkaasi Adel bin Ahmed Al-Jubeir.

Madaxweynaha xiriirka kubada cagta aduunka Gianni Infantino oo kamid ahaa masuuliyiin ka socotay FIFA oo ka ka qeybgalay kulankii Real Madrid iyo Gremio ee kama danbeysta koobka kooxaha aduunka ayaa casuumad ka helay boqorka sacuudiga Salman bin Abdulaziz wuxuuna la qaatay kulan mudo saacad ah qaatay oo waxyaabo fara badan ay iskula garteen.

GAROWE ONLINE