Malaysia oo isbedel ku sameynaysa sharci dulminaya haweenka
-
WARIYAHA CAALAMKA GAROWE ONLINE
- Posted On 11-07-2023, 02:38AM
KUALA LUMPUR, Malaysia - Ra’iisul wasaaraha waddanka Malaysia, Anwar Ibrahim, ayaa Isniintii sheegay in la soo saari doono sharci cusub oo ku saabsan carruurta dibadaha ku dhashay balse hooyadooda ay tahay Malaysian.
Dalka Malaysiya ayaan dhalasho siinin caruurta dibada ku dhasha ee hooyadooda ay Malaysiyan-ka ay tahay balse waxaa loo ogol yahay ubadka ay aabayaashoodu u dhasheen waddanka Malaysia.
Anwar ayaa xusay in ujeedada laga leeyahay xeerkan cusub ay tahay in la xaqiijiyo in hooyooyinka Malaysia la siiyo xuquuq siman sida uu qabo dastuurka federaalka.
Jariiradda afka dheer ee lagu magacaabo Free Malaysia Today ayaa intaas ku dartey in go’aankan ay si weyn u taageereen haweenka Maleysia.
"Ma ahan cadaalad in aabaha kaliya loo ogolaado dhalashadda. Taasi waa arrinta kaliya ee la soo bandhigayo, "ayuu Anwar u sheegay suxufiyiinta isagoo ku sugan shir ka dhacay Kuala Lumpur.
Malaysia oo ah dal ku yaalla Koonfur Bari ee qaaradda Aasiya ayaa haweenka waxay ka yihiin 48.9%. Sidda ay muujineyso tirokoob la sameeyay 2020-kii, dadka dalkan ayaa 63.5% waxay yihiin Muslimiin.
GAROWE ONLINE
