Morocco: 5-jirka ku dhacay ceelka oo qarka u saaran badbaadin

Image

RABAR, Morocco - Dabaal-deg ayaa ka bilowdey qaybo kamid ah Morocco iyo dunida Islaamka markii la baahiyey in uu badbaado ku dhow yahay wiil shan jir ah oo shan maalmood kahor ku dhacay ceel ku yaala waqoyga dalkaas.

Rayan Awram ayaa si lama filaan ah ugu dhacay ceelkan oo ku yaala magaalada Bab Berred. Qoyskiisa ayaa laga soo xigtey in ay si weyn ugu faraxsan yihiin in ay dib ula midoobaan wiilkooda da'yarka ah.

Ceelka ayaa dhererkiisa lagu sheegay 100 mitir. Samatabixiyeyaal ayaa godoad ka qoday hareeraha ceelka taasoo suurtagelisay in ay u sii dhowaadaan Rayan oo laba casho kahor la gaarsiiyey cunto iyo oxgeyn.

Shilalka la xiriira carruurta iyo ceelasha ayaa had iyo jeer si deg-deg ah u soo jiita dareenka daawadayaasha warbaahinta caalamiga ah  isla marka ay soo if-baxaan.

Mid ka mid ah samatabbixinta ugu caansan ayaa ka dhacday magaalada Midland, gobolka Texas Sannadkii 1987-kii markii Jessica oo 18-jir ah laga soo badbaadiyay ceel markii god barbar socda la qoday - si la mid ah la isku dayadda Morocco.

Kiisaska qaar ayaa ku dhamaaday masiibo. 2019, Julen Rosello oo 2 jir ah ayaa ku dhacay ceel gudaha Spain. Dadaallada adag ee samatabbixinta waxaa ka mid ahaa in la qoday godad badan si ay isugu dayaan in ay soo badbaadiyaan wiilka.

Boqolaal khubaro ah ayaa ka qayb qaatay hawlgalka naf-badbaadinta ahaa, oo ay ku jiraan in la raray in ka badan 17,000 oo tan oo dhagxaan ah. Laakiin way ku guuldareystaan waxaana 13 casho kadib ay soo heleen meydkiisa.

GAROWE ONLINE

Related Articles

Turkey: 76 qof oo ku dhintay dab ka kacay hotel

Goobtan dalxiiska ayaa ku taal meel sare oo buur ah oo qiyaastii 170 kilomitir (100 mayl) waqooyi-galbeed kaga beegan caasimadda Ankara.

  • Caalamka

    22-01-2025

  • 05:03AM

Dad badan oo ku dhintay Dab Ka Kacay Hoteel Ku Yaalla Turkey

Dabka ayaa ka bilowday qiyaastii 3:30 subaxnimo qaybta makhaayadda ee hoteelka, waxaana la baarayaa sababta dabka ka dambeysa.

  • Caalamka

    21-01-2025

  • 02:32PM