Oramada iyo Soomaalida oo ku dagaalamay dalka Ethiopia
-
GAROWE ONLINE
- Posted On 28-11-2017, 10:46AM
ADDIS ABABA, Ethiopia - Dowlada Ethiopia ayaa sheegtey in dad gaaryaa 20 qof ku dhinteem dagaalo dhexmarey qowmiyadaha Soomalida iyo Ethiopia asbuucii lasoo dhaafey.
Afhayeen u hadlay Dowlada Ethiopia Negeri Lenco ayaa sheegey in 98 qof laga soo xirey gobolka Oramada halka 5 laga qabtey degaanka Soomaalida kuwasoo la rumeysan yahay iney hurinayeen colaadahaan.
Dagaaladaan ayaa waxaa sababey khilaafka dhuleed u dhexeeya labadaan qowmiyadood oo wada daga dalka Ethiopia kasoo ka jira xuduudka u dhexeeya labada degaan.
Saraakiisha dowlada dhexe ee Ethiopia ayaa horey u dalbatey in labada dhinac ku dhameeyaan khilaafka u dhexeeya wadahadal iyadoo ciidamo soo dhoobtey degaanada dariska ka yihiin labadaan qowmiyadood balse rabshadahaan ma joogsan.
Bishii September ee lasoo dhaafey ayaa dagaalo dhexmarey labada dhinac waxaa isaga dhintey dad gaaraya 10 ruux kor u dhaafaya halka rabshadahaan ka barakaceen Kumanaan dad ah.
GAROWE ONLINE
