Qarax ka dhacay agagaarka Madaxtooyadda oo khasaaro dhaliyey
-
WARIYAHA ARRIMAHA CAALAMKA GAROWE ONLINE
- Posted On 03-12-2019, 06:42AM
JAKARTA, Indonesia – Ugu yaraan laba askari ayaa ku dhaawacantay qarax ka dhacay Beerta Nasashada Jakarta, oo ku dhow Madaxtooyadda waddanka Indonesia.
Wasaaradda Arrimaha Gudaha ayaa waxay sheegtay in baaritaan lagu bilaabay weerarka aysan illaa iyo haatan jirin koox sheegatay.
Beerta Nasashadda Qaranka ee Indonesia oo loogu yeero Monas ayaa waxaa xiliga uu falku dhacayey ka socotay gaadi ka cayaar.
Maxsuulka baaritaano horudhac ah ayaa waxay muujinayaan in qaraxu ka dhashay Bam-gacmeed laga soo tuuray Mootooyinka laba lug leh.
Dalkan ay dadkiisu badi yihiin Muslimiin ayaa waxaa mudooyinkii dambe aad ugu badnaa weeraradda ay geysanayaan Islaamiyiinta.
Bishii hore ee November 2019-ka, qarax is-miidaamin oo lagu weeraray saldhig boolis oo ku yaala magaaladda Medan ayaa dilay lix ruux.
Dowladda oo ku adkeystay in ay ka go’an tahay sidii ay uga hortagi lahayd falalka noocaan ah ayaa waxay waydiisatay dadweynaha in ay la shaqeeyaan ciidanka.
GAROWE ONLNE
