Ruushka oo bedalaya istaariijiyadiisa duulaanka Ukraine

Moscow ayaa waxaa hareeyay cunaqabateyn caalami ah tan iyo markii Putin uu ciidamo u diray.

MOSCOW, Russia – Ruushka ayaa sheegay in ciidamadooda ay bartilmaameedsan karaan saadka hubka reer galbeedka ee Ukraine, halkaasoo ciidamada Ruushka ay ku sii siqayeen ilaa dhamaadkii bishii February.

"Waxaan uga dignay Mareykanka in hubka laga soo abaabulo dalal dhowr ah aysan ahayn tallaabo khatar ah oo keliya, waa tallaabo ka dhigaysa kolonyadan bartilmaameedyo sharci ah," ayuu wasiir ku xigeenka arrimaha dibadda Ruushka Sergei Ryabkov u sheegay TV-ga dowladda Ruushka.

Waxa uu sheegay in Moscow ay ka digtay "cawaaqibta ka dhalan karta wareejinta aan fikirka lahayn ee Ukraine ee hubka difaaca hawada, hababka gantaalada lidka taangiyada iyo wixii la mid ah".

Ryabkov waxa uu sheegay in Washington aysan si dhab ah u qaadan digniinta Moscow waxa uuna intaa ku daray in Ruushka iyo Mareykanka aysan wax "hannaanka gorgortanka" ka galay xiisada Ukraine.

Madaxweyne Vladimir Putin ayaa u diray ciidamo Ruush ah gudaha Ukraine 24-kii Febraayo wuxuuna sheegay inuu ujeedkiisu yahay "in uu ka saaro" dalka hoggaamiyaha sida boonbaha ay reer Galbeedku ugu ciyaarayaan.

Moscow ayaa waxaa hareeyay cunaqabateyn caalami ah tan iyo markii Putin uu ciidamo u diray.

Madaxweynaha Ukraine Volodymyr Zelenskyy ayaa marar badan ugu baaqay quwadaha reer galbeedka in ay gargaar militari oo dheeri ah gaarsiiyaan dalkiisa, isagoo ka digay in militariga Ruushka uusan ku ekaan doonin xuduudaha Ukraine haddii Moscow ay si buuxda gacanta ugu dhigto dalkiisa.

Halka Maraykanka iyo NATO ay diideen baaqyada isdaba jooga ah ee Zelenskyy ee ahaa in laga dhaqan geliyo aagga duullimaadyada ka caaggan ee Ukraine, waxay hub ku soo geliyaan Ukraine si degdeg ah, oo ay ku jiraan waxyaabo aad xasaasi u ah sida gantaallada garbaha laga rido ee loo yaqaan nidaamka difaaca hawada ee la qaadi karo (MANPADS). taas oo soo ridi karta diyaaradaha.

Gaarista hubka reer galbeedku waxa ay muhiim u ahayd in dadka reer Yukreeniyaanka ah ay awood u yeeshaan in ay la dagaalamaan ciidamada Ruushka ee soo duulay si ka waxtar badan oo ka adag sidii ay filayeen sirdoonka Maraykanku.

Aqalka Senate-ka Mareykanka ayaa Khamiistii ansixiyay $6.5bn oo loogu talagalay kaalmada milatari ee Ukraine.

Markii ugu horreysay taariikhda, Midowga Yurub ayaa maalgelinaya soo iibinta iyo keenista hubka ka dib markii hoggaamiyeyaasha ay isku raaceen in hub qiimihiisu yahay 450 milyan oo Yuuro ($ 502m) loo daabulo Kyiv.

Laba maalmood ka dib markii uu bilowday duulaanka uu Ruushka ku qaaday Ukraine, Berlin waxay sheegtay in ay keeni doonto 1,000 hubka lidka taangiyada ah iyo 500 oo gantaalaha Stinger ah, taasoo ka noqonaysa siyaasadii mamnuucday in hubka loo dhoofiyo goobaha colaadaha.

Isbeddel la mid ah kan siyaasadda, ayay dowladda Norway sidoo kale sheegtay dabayaaqadii bishii February in ay ku deeqday ilaa 2,000 oo ah hubka lidka taangiyada ee M72.

Sabtidii, dagaalyahannada rayidka ah ee Ukraine iyo dadka deggan caasimadda ayaa isu diyaarinayay weerar culus, iyadoo ciidammada Ruushku ay magaalada ku hareereeyeen ciidamo iyo madaafiic wax yar u jira magaaladda Caasimadda ah. Dagaalka ayaa ka dhacay waqooyi-galbeed ee Kyiv, iyadoo inta badan ciidamada dhulka ee Ruushka ay 25km u jiraan bartamaha caasimadda Ukraine.

GAROWE ONLINE