Sacuudiga oo shaaciyey tirada Xujeyda uu sanadkan ogolaaday

Martigelinta xajka ayaa ah arrin sharaf u ah boqortooyadda, waana isha ugu xoogga badan ee sharcinimadooda siyaasadeed.

RIYADH, Saudi Arabia - Sacuudi Carabiya ayaa Sabtidii sheegay inay u oggolaan doonto hal milyan oo Muslimiin ah oo ka yimid gudaha iyo dibadda dalka inay ka qaybqaataan xajka sanadkan.

“Wasaaradda xajka ayaa u fasaxday hal milyan oo xujey ah oo isugu jira ajaaniib iyo dadka dalka ku sugan in ay sanadkan gutaan waajibaadka xajka” ayaa lagu yiri war-saxaafadeedka.

Maadaama uu yahay mid kamid ah tiirarka Islaamka, waa in xajka ay wada gutaan Muslimiinta oo dhan iyaga oo adeegsanaya ugu yaraan hal mar noloshooda. Caadi ahaan, waa mid ka mid ah kulannada diimeed ee ugu weyn adduunka, qiyaastii 2.5 milyan oo qof ayaa ka qayb qaatay 2019.

Laakiin ka dib markii uu bilaabmay cudurka faafa ee Coronavirus sanadka 2020, mas'uuliyiinta Sucuudigu waxay ogolaadeen kaliya 1,000 xujaaj ah inay ka qaybqaataan.

Sannadkii xigay, waxay kor u qaadeen wadarta 60,000 oo qof oo si buuxda u talaalan oo lagu doortay bakhtiyaanasiib ay soo bandhigtey xukuumadda fadhigeedu yahay Riyadh.

Xayiraadahaasi ayaa waxaa carro ka muujiyey Muslimiinta dibadaha ku nool ee laga mamnuucay. Ku dhawaaqistii Sabtidii ayaa lagu sheegay in xajka sanadkan uu ku koobnaan doono xujeyda la tallaalay ee ay da’doodu ka yar tahay 65 jir.

Xajku waxa uu ka kooban yahay dhawr cibaado diini ah oo muddo shan maalmood ah lagu soo gebagebeeyey magaalada barakaysan ee Islamka, Maka iyo nawaaxigeeda ee galbeedka Sucuudiga.

Martigelinta xajka ayaa ah arrin sharaf u ah boqortooyadda Sacuudiga, maadaama ilaalinta goobaha ugu barakeysan ee Islaamka ay tahay isha ugu xoogga badan ee sharcinimadooda siyaasadeed.

GAROWE ONLINE