Tirada dadka lagu dilay Suuriya tan iyo 2011-kii oo lasoo bandhigay

Warbixintan ayaa lagu soo beegay sanad-guuradii 12-aad ee kasoo wareegatay markii kacdoonka uu ka bilowday dalkan.

DIMASHIQ, Suuriya - In ka badan 230,000 oo Suuriyaan ah ayaa la dilay in ka badan 13 milyan oo kalena waa ay barakaceen tan iyo 2011-kii, sida ay sheegtay hay'adda xuquuqda aadanaha u dooda.

Bayaan ay soo saartay Shabakadda Xuquuqda Aadanaha ee Suuriya (SNHR) ayaa lagu sheegay in 230,224 rayid ah la dilay, oo ay ku jiraan in ka badan 30,000 iyo 16,000 oo haween ah.

Warbixintan ayaa la soo saaray sanad guuradii 12-aad ee kasoo wareegtay markii ay dalka Suuriya ka bilowdeen dibad baxyada dimuquraadiyadeed ee sanadkii 2011-ka, kuwaasi oo uu si ba’an u caburiyay maamulka Bashaar Al-Asad.

SNHR ayaa intaas ku dartey in ciidamada talisku ay mas'uul ka yihiin dhimashada in ka badan 201,000 oo qof, halka dhimashada kale lagu eedeeyay ciidamada Ruushka, kooxda Daacish/ISIS, kooxaha hubaysan, argagixisada gooni-goosadka ee Syrian Democratic Forces (SDF) iyo ciidamadda isbahaysiga uu Maraykanku hoggaamiyo.

Sida laga soo xigtay kooxda xuquuqul insaanka, ku dhawaad ​​56% dhibanayaasha ayaa la dilay intii lagu jiray sannadihii labaad iyo saddexaad ee kacdoonka.

Ku dhawaad ​​52% dhimashada ayaa laga soo sheegay gobolada Dimishiq, Xalab, iyo Homs. SNHR waxay xustey in tiro aan ka yarayn 154,817 qof lagu xiray ama si qasab ah lagu waayay gudaha Suuriya.

"In ka badan 135,000 ayaa weli waxaa gacanta ku haya ciidamada Nidaamka Suuriya oo keliya, oo ay ku jiraan 5,199 carruur ah iyo 10,169 haween ah," ayaa lagu yiri nuqul kamid ah warbixinta hay'adda.

GAROWE ONLINE