​Turkiga oo qabtay 400 oo xiriir la leh Daacish

Saraakiisha Booliska dalka Turkiga ayaa sheegay inay qabteen 400 oo ay uga shakiyeen inay xiriir la leeyihiin Ururka Daacish ee ka dagaalama Iraq iyo Syria.

Dadkan oo qaarkood ah Ajbaniyihiin ayaa lagu qabtay howlgallo lagula dagaallamayo Argagaxisada oo laga sameeyay lix gobolka oo kamid ah dalkaasi.

Ciidamada Turkiga waxay sheegeen inay xoojiyeen amniga waxii ka dambeeyay weerarkii Daacish ka geesteen Hotel-ka Reina ee magaalada Istanbul billowga sanadkan.

Ururka Daacish ayaa qiratay weerarka Reina oo ay ku dileen dad kasoo jeedo waddamada reer galbeedka, oo ka qeybgalayay dabaaldega sannadka 2017-ka.

Barlamanka Turkiga ayaa siiyay Madaxweyne Erdogan Awoodo dheeraad ah, si uu wax uga qabto amni darrada iyo weerarada dalkaasi oo ay geysanayaan PKK iyo Daacish.

GAROWEONLINE