Ukraine oo "dib u hanatay" xaafad muhiim ah kana tirsan Kyiv
-
WARIYAHA CAALAMKA GAROWE ONLINE
- Posted On 22-03-2022, 04:44PM
KYIV, Ukraine - Wasaaradda gaashaandhiga ee waddanka Ukraine ayaa waxay sheegtay in ciidamadeeda ay dib ula wareegeen gacan ku haynta xaafadda muhiimka ah Makariv ee ka tirsan magaala madaxda Kyiv.
Hay’adda Qaramada Midoobay u qaabilsan qaxootiga ayaa sheegtay in 3.5 milyan oo qof ay ka qaxeen dalka Ukraine tan iyo markii uu Ruushku bilaabay duulaankiisa.
Ku guuleystaha abaalmarinta nabadda ee Nobel Peace Prize ee Ruushka ayaa ku dhawaaqay qorshe uu ku xaraashayo bilada si uu dhaqaale ugu uruuriyo qaxootiga Ukraine.
Madaxweynaha Ukraine, Volodymyr Zelenskyy, ayaa ku booriyay dhiggiisa Ruushka Vladimir Putin inay wada hadal toos ah yeeshaan, isagoo ku celceliyay inuu diyaar u yahay inuu go'aansado inuusan raadin xubinnimada NATO.
James Elder, oo ah afhayeenka UNICEF, ayaa ku tilmaamay tirada carruurta noloshooda uu xididdada u siibay duullaankii Ruushka ay ahaayeen "maskax-xumo".
"Ilbiriqsi kasta tan iyo markii uu dagaalku billowday ku dhawaad bil ka hor cunug kasta oo reer Yukreeniyaan ah waxa uu noqday qaxooti - kaliya 55 daqiiqo gudahooda," ayuu Elder u sheegay Al Jazeera.
Madaxweynaha wadanka Mareykanka, Joe Biden, ayaa wuxuu ka digay in Moscow ay miisaameyso adeegsiga hubka kiimikada ee Ukraine iyadoo reer galbeedku ay soo jeedinayaan weerarka Ruushka inuu istaagay.
GAROWE ONLINE
