Wasiirka difaaca Mareykanka oo laga helay Coronavirus

Austin waa sarkaalkii ugu dambeeyay ee sumcadda sare ka leh Mareykanka ee laga helay fayraska.

WASHINGTON, USA - Xoghayaha waaxda gaashaandhiga Mareykanka, Lloyd Austin, ayaa la xaqiijiyay inuu qabo COVID-19, maadaama nooca aadka u faafa ee Omicron uu keeno kiisas badan oo gudaha Mareykanka ah.

"Astaamaha lagu arkay Austin waxay ahaayeen kuwo "fudud" wuxuuna ku karantiili doonaa guriga shanta maalmood ee soo socota," madaxa Pentagon ayaa bayaan ku sheegay.

Austin oo si kooban ula hadlay saxaafadda ayaa sheegay in si buuxda loo tallaalay oo la xoojiyay, kaasoo "ka dhigay caabuqa mid aad uga fudud sidii uu ahaan lahaa".

"Tallaaladu way shaqeeyaan oo waxay ahaan doonaan shuruudo caafimaad oo milatari oo xoog leh," ayuu Austin yiri. "Waxaan sii wadayaa inaan ku dhiirigaliyo qof kasta oo u qalma tallaalka xoojinta".

Austin ayaa xusay inuu xiriirkii ugu dambeeyay la yeeshay Madaxweyne Joe Biden 21-kii Diseembar, in ka badan toddobaad ka hor inta uusan bilaabin inuu dareemo astaamo muujinaya in uu qabo fayraska.

Austin oo kamid ah mas'uuliyiinta asalkoodu madow yahay ee maamulka Biden la shaqeeya waa sarkaalkii ugu dambeeyay ee sumcadda sare ka leh Mareykanka ee laga helay fayraska.

Dhowr xubnood oo caan ah ayaa dhowaan shaaciyey in laga helay fayraska, halka bishii Oktoobar, Xoghayaha Amniga Gudaha Alejandro Mayorkas iyo xoghayaha warfaafinta ee Biden Jen Psaki la xaqiijiyay inay qabaan COVID-19.

GAROWE ONLINE