Weerar ka dhacay afaafka hore xarunta Barlamanka Britain
-
- Posted On 22-03-2017, 07:02PM
LONDON, Britain- Rasaas xoog leh ayaa goordhaweyd ka dhacday afaafka hore xarunta Barlamanka Ingiriiska ee magaalada London.
Warar hordhac ah oo soo gaaraya GO, ayaa sheegaya inay dhaawacmeen ilaa 12 qof kuwaasoo ku sugnaa goobta uu weerarku ka dhacay.
Majirto ilaa hadda cid faah faahin ka bixisay dhacadadan, balse waxaa goobta gaaray booliis aad u badan oo isku geedaamay dhismaha golaha Barlamanka.
Dhismaha Barlamanka ee Westminster, waxaa ka socda kulan Xildhibaanada la haayeen, iyadoo Ra'isal wasaaraha dalkaas oo goobta joogayna loo qaadya meel ammaan ah shaqaaqada ka dib.
Saraakiil katirsan Booliiska ayaa warbaahinta Britain, waxay u sheegeen in kiiskan aysan kala cadayn karin inuu yahay mid si caadi ah u dhacay iyo inuu xiriir la leeyahay falalka kooxaha Arga-gixisada.
Mid kamid ah ciidamada Booliiska dalkaas ayaa goobta lagu tooreeyay, inkastoo ruuxii falkaas gaystay ay dileen ciidamadu.
Goobjoogayaal ayaa sheegay inay arkeen dad dhaawcmay oo gargaar deg deg ah lagu siinayo goobta.
Warbaahinta qaarkeed waxay daabacday in arrintan timid kadib markii uu halkaas ka dhacay shil-baabuur.
Waaxda maamusha gaadiidka dadweynaha London ayaa sheegtay in boolisku uu ka dalbaday in la xiro boosteejada tareenka laga raaco ee ku taalla agagaarka dhismaha Westminster.
Arrintan ayaa timid xilli cabsi xoog leh Booliiska Britain ka qabaan weeraro uga yimaada Argagixisada.
GAROWEONLINE
