Doorasho adag oo kasocota magaalada Garowe [Sawirro]
-
- Posted On 23-11-2016, 09:49AM
GAROWE, Puntland- Doorasho kamid ah midda Aqalka hoose ee Baarlamanka Federaalka Somalia, ayaa maanta kasocota magaalo madaxda Puntland ee Garowe, waxaana ku tartamaya murashaxiin kasocota saddex Beelood oo kala ah; Biciidyahan, Muuse Saleebaan iyo Dhulbahante (Bah-hararsame).
Loollanka ugu adag ayaa dhexmari doonta murashaxiin gaaraysa 6 oo matalaya beesha reer Biciidyahan, waxaana goordhaw Ergadu guda gali doontaa codaynta murashaxiinta kala ah;
Siciid Cali Maxamed
Saleebaan Cabdulle Salaad
Ammaan Cali Baalle
Faysal Cabdulle Guuleed
Cabdixakiim Faarax Cali (Caruush)
Cabdi Barre Yusuf Jibriil.
Waxaa sidoo kale doorasho taas lamid ah kasocota isla Jaamacadda Bariga Africa qayteeda Garowe, waxaana ku tartamaya Afar Murashax oo kasocta beesha Muuse Saleebaan, kuwaasoo kala ah;
Liibaan Siciid Nuur
Axmed Bashiir Muuse
Cabdi Maxamud Maxamed
Maxamud Axmed Maxamud Kulalihi.
Dhinaca kale, waxaa jaamacadda PSU ee magaalada kasocota kursi kamid ah kuwa Beesha Dhulbahante gaar ahaan Bah-hararsame ka heshay Baarlamanka Federaalka Somalia, waxaana ku loollama Labo Murashax oo kaliya kuwaasoo kala ah;
Maxamed Faarax Indho Buur
Iyo Daa'uud Maxamed Cumar.
Doorashada Aqalka hoose ee kasocota Puntland, ayaa maalmihii u dambeeyay hakad ku jirtay, waxaana ilaa iminka la doortay 19 mudane oo kaliya iyadoo Puntland ahay maamulkii ugu horeeyay ee billaaba, waxaana mar Asbuucan dhexdiisa Guddiga doorashooyinku ka hadleen sababta dib u dhaca keenay, ku sheegeen arrimo la xiriira dhinaca dhaqaalaha.
GAROWEONLINE
