Abaar laga soo sheegayo deegaanno hoos taga Baargaal [DHEGEYSO]
-
- Posted On 14-07-2015, 12:06PM
July 14, 2015 (GO)- Deegaano hoostaga degmada Baargaal ee gobolka Gardafuu ayaa laga soo sheegayaa abaaro baahsan oo saameeyay dadka iyo duunyada.
Jawaahir Ow-muuse Maxamed oo ka tirsan xildhibaannada Golaha Deegaanka Baargaal oo la hadashay Radio Garowe ayaa sheegtay in tuulooyinka Qoroxaad, Conqoro, Nuudiya iyo deegaano kale ay ka jiraan abaaro iyo biyo yaraan saamaysay nolosha dadka.
Jawaahir ayaa xustay in qiimaha fuusatada biyaha ahi halkaas ka marayo labo boqol oo kun oo Shilinka Soomaaliga , iyadoo intaas raacisay inay jiraan dad aan awood u lahayn inay gataan biyaha qaaliyoobay .
Ugu dambeyntii waxay dawlada ugu baaqday inay gacan u fidiso dadka ay abaartu lasoo deristey.
GAROWE ONLINE
