Afar askari oo ku geeriyoodey shil ka dhacay duleedka Garowe
-
- Posted On 17-07-2015, 04:31PM
July 17, 2015 (GO)- Afar askari ayaa ku geeriyoodey saddex kalena way ku dhaawacmen shil gaari oo galabta ka dhacay inta u dhexeysa deegaanka Tuko-raq iyo magaalada Garowe.
Agaasimaha Isbitaalka Garowe Dr. Cabdisamed Axmed Jaamac ayaa Radio Garowe u sheegay in askarta dhaawca ah xaaladoodu fududahay islamarkaana qaarkood lagu sameyey qalliin.
Gaariga shilka galay wuxuu ahaa nooca ciidamadu adeegsadaan ee Soomaalidu taqaan Cabdi-Bilaha.
Waa shilkii saddexaad ee noocan ah oo muddo bil gudaheed ah ka dhaca nawaaxiga magaalada Garowe.
June 21, 2015 ayey ahayd markii toban askari oo ka tirsanaa Daraawiishta Puntland ku geeriyoodeen shil-gaari oo ka dhacay isla deegaanka Tukaraq.
GAROWE ONLINE
