Agaasimaha Wasaaradda Haweenka Puntland oo Garowe lagu xirey
-
- Posted On 23-05-2015, 10:50AM
May 23, 2015 (GO)- Muddo kooban waxaa maanta saldhigga booliska ee Garowe lagu xirey Agaasimaha Guud ee Wasaaradda Haweenka Puntland Muno Daahir Dalmar.
Xarigga agaasimaha aya yimid kadib markii khilaaf soo kala dhex galay iyada iyo Wasiiradda Wasaaradda Haweenka Aniso Cabdiqaadir Muumin.
Khilaafkan ayaa soo jiitamayey todobaadyadii u dambeeyey, wuxuuna sii xoogeystey kadib markii Wasiiraddu sheegtay inay xilka ka xayuubisey agaasimaha.
Muno Daahir aya markii lasoo daayey waxaa loo gudbiyey dhanka madaxtooyada, halkaasoo ay kula kulantey madaxweyne ku-xigeenka Cabdixakiim Cumar Camey.
Madaxweynaha Puntland Cabdiweli Cali Gaas oo khilaafkaan inuu xaliyo laga sugayey ayaa sababey in curyaamiyo howlihii wasaarada haweenka
Xarigga Agaasimaha Guud ee Wasaaradda Haweenka Puntland ayaa kusoo aadaya xilli isla maanta ciidamada booliska ee Garowe xabsiga dhigeen agaasimihii iyo tifatirihii Radio Daljir Garowe.
GAROWE ONLINE
