Akhriso Liiska magacyadd Guddiga cusub ee doorashada Puntland

GAROWE, Puntland - Afhayeenka Gollaha Wakiiladda dowladda Puntland, Cabdixakiin Maxamed Axmed [Dhoobo] ayaa magacaabay Guddiga doorashada madaxwaynaha iyo ku xigeenka oo la filayo inay qabsoonto 8-da bishaan Janaayo.

Xubnaha kooxda qaban-qaabada coddeynta oo ka kooban 7 xubood ayaa waxaa gduoomiye looga dhigay Xildhibaan Axmed Axmed Saalax, sida ku cad war-saxaafadeed uu Gudoomiye Dhoobo soo-saarey.

Wadar ahaan in ka badan 30 Musharax ayaa utaagan qabashada xilka Madaxwaynaha iyo ku xigeenka Puntland, kuwaasi oo ay ka yimid yihiin Faarax Cali Shire, Saciid Cabdullaahi Deni iyo siyaasiyiin kale.

Madaxwaynaha uu waqtigu ka dhamaaday ee Cabdiwali Gaas oo ku guuldareystay fulinta balanqaadkiisii markii la doortay Shan sano kahor ayaa kamid ah Musharaxiinta, kaasi oo uu damac kaga jiro in dib loo doorto.

Madaxwaynihii hore ee Puntland, ahna Senator katirsan Aqalka Sare ee Baarlamaanka Federaalka mudane Cabdiraxmaan Faroole ayaa si cad ugu sheegay Gaas inaanu ku guuleysan doonin doorashadaan, uuna DPL uga tegayo dhaxal xun.

Magacaabista Guddiga doorashada ayaa waxay kusoo aadeysaa iyadda Jimcadii lagu doortay Gudoomiyaha Gollaha Wakiilada iyo labadiisa ku xigeen coddeyn lagu tilmaamay tii ugu dimuqraadisaneed taariikhda maamulkaan 20-sano jirka ah.

GAROWE ONLINE