Akhriso: Madaxweyne Gaas oo xil u magacaabay General Muxayiid Axmed
-
- Posted On 14-11-2016, 06:49PM
GAROWE, Puntland- Digreeto kasoo baxday madaxweynaha Puntland Cabdiwali Maxamed Cali Gaas, ayaa taliye ku-xigeenkii hore ee Booliiska Puntland loogu magacaabay xil cusub.
Generaalka, ayaa laga dhigay Taliyaha la dagaallanka Argagixisada iyo Mukhaadaraadka Puntland.
Wareegtada oo soo baxday 06 November, 2016 ayaa lagu sheegay inay jirto baahi loo qabo la dagaallanka Argagixisada gudaha iyadoo sidoo kale madaxweynuhu u xushay sida digreetada ku qoran, Aqoonta iyo kartida uu u leeyahay shaqadaas.
Muxuyaddiin Axmed Muuse, oo xilka Taliye ku-xigeenka Booliiska Puntland laga qaaday waqtigii uu talada qabtay madaxweyne Gaas, waxaana mudadaas kadib soo baxday dal-daloolo dhinaca amniga ah.
Wuxuu door muhiim ah kasoo qaatay la dagaallanka Argagixisada iyo sugutaanka amniga Puntland, isagoo marar badan ay kasoo gaareen dhaawacyo.
Jananka ayaa horay u cadeeyay inay ka go'antahay la dagaallanka argagixisada iyo difaaca Puntland, wuxuuna kasoo qayb galay isagoo markaas aan jago ka hayn dowladda howlgalkii Al Shabaab lagu jabiyay kadib markii ay ka dageen xeebaha Puntland horaantii sannadkan 2016.
GAROWEONLINE
