Puntland iyo Minnesota oo "yeelanaya wadashaqeyn"
-
WARIYAHA GAROWE GAROWE ONLINE
- Posted On 04-08-2021, 08:33AM
GAROWE, Puntland - Guddoomiye ku xigeenka 1-aad ee Golaha Wakiillada dowladda Puntland, mudane. Abdiaziz Abdullahi Osman ayaa shalay shir-guddoomiyey fadhiga 20-aad ee Kalfadhiga 48-aad.
Guddoomiye ku-xigeenka 2-aad Mudane, Ismaaciil Maxamed Warsame, ayaa Cusmaan wuxuu ku wehliyey shir-guddoonka kulanka oo ay xaadireen inta badan sharci-dejiyeyaasha golaha.
Fadhiga shalay ayaa waxaa Golaha Wakiillada DPL hor-yimid, Maxamuud Nuur, Xildhibaan Aqalka Baarlamaanka ee Gobolka Minnesota ee dalka Maraykanka iyo wafdi uu hoggaaminayo.
Nuur ayaa khubad dheer oo uu u jeediyey Golaha Wakiillada DPL waxa uu ka hadlay sida ay muhiim u tahay iskaashi iyo wada-shaqeyn dhex marta Baarlamaanada Puntland iyo Minnesota.
Sharci-dejiyaha ayaa cod dheer wuxuu ku xusay inay ka shaqeynayaan sidii qurba-joogta Puntland ee ku nool dalka Mareykanka maal-gashi ugu sameyn lahaayeen dalka.
Dhankiisa Cusmaan ayaa uga mahadceliyey Xildhibaanka booqashada uu ku yimi Aqalka Wakiillada isaga oo xusay inay muhiimada siinayaan wada-shaqeynta labada Baarlamaan.
Dhinaca kalena, Guddoomiyaha ayaa ku war-geliyey Xildhibaanada in Golaha fasax sii ahaan doono illa inta laga soo gudbinayo liiska Musharaxiinta Aqalka sare ee Baarlamaanka dowladda Federaalka ah ee Soomaaliya.
GAROWE ONLINE
