Ciidamadda Puntland oo qabtey nin ku hubaysan walxaha qarxa

Howlgalkan ayaa xalay saqdii dhexe waxa uu ka dhacay qeybo kamid ah magaalada Boosaaso.

BOOSAASO, Puntland - Cutubyada sida gaar ka ah u Tababaran ee Ciidamada PMPF oo hawlgallo ka sameeyey xalay saqdii dhexe magaalada Boosaaso ayaa gacanta ku dhigay nin ku hubaysan walxaha Qarxa.

Sidda lagu sheegay war-saxaafadeed kasoo baxay taliska PMPF, shaqsigan ayaa waxa uu ka tirsan yahay "kooxaha argagixisada ah ee cadawga ummadda Soomaaliyeed". 

Hawlgalladan qorshaysan oo ciidanku si joogta ah u fuliyo markasta waxa ay xalay ku qabteen Bambooyinka Gacanta ee sababa Qaraxyada xooggan, gaadiidkii lagu wadey iyo sharwadihii watey hubkaasi.

Bayaanka ayaa lagu caddeeyay in hubkan uu ujeedkiisu ahaa inay ku waxyeeleeyaan shacabka magaalada Boosaaso. Ciidamada PMPF marna cadawga uma ogolaanayaan inay shacabkooda waxyeelo u gaystaan.

GAROWE ONLINE