Dagaal ka bilowdey xarunta gobolka Mudug
-
- Posted On 20-10-2016, 09:54AM
GALKACAYO, Puntland- Magaalada Galkacayo ayaa saaka waxaa ka bilowdey dagaal la iswaydaarsanayo qoryaha culus kaasoo u dhexeeya ciidamada Puntland iyo Galmudug.
Wararka laga helayo saraakiisha ayaa sheegaya in dagaalkaan laga bilaabay dhinaca maamulka Galmudug kuwaasoo la sheegayay in maalmahaan diyaargarow ka sockeye.
Dowlada Puntland ayaa beenisay inuu jiro hehsiis balse qirtey inuu jiro xiriir wasiirada labada maamul dhexmarey.
Madaxweynaha Puntland oo iminka ku sugan dalka Ethiopia kadib markii uu ka soo noqdey safar uu ku tagey dalka Imaraadka Carabta ayaa weli xafiiskiisu ka hadlin inuu jiro wadahadal dhexmarey madaxweynaha maamulka Galmudug.
Wasaarada arimaha dibada dalka Ethiopia ayaa dhowaan shaaciyey inuu jiro heshiis 5 qodob ka kooban dhexmarey Puntland iyo Galmudug.
Warsidaha Garowe Online ayaa ahaa Warsidaha ugu horeeyey oo shaaciyey jirtaanka heshiiskaan dhexmarey madaxweyneyaasha labada maamul.
GAROWEONLINE
