Deni oo amaanay wax-qabadkii maamulkii Faroole, kana hadlay xiisadda taagan

GAROWE, Soomaaliya - Madaxweynaha dhawaan xilka ka sii dagaya Siciid Cabdullaahi Deni ayaa wareysi kaga hadlay marxaladihii ay soo martay Puntland 25-kii sano ee la soo dhaafay.

Deni ayaa sheegay in bilowga isbadalka siyaasadeed ee dhanka dimuquraadiyadda uu soo bilowday xilligii Madaxweyne Cabdiraxmaan Faroole, kaasoo guulo badan oo dhanka siyaasadda ah ka gaaray.

“Madaxweyne Cabdiraxmaan Faroole ayaa ahaa Madaxweyanaha bilaabay/dhaqaajiyay, hanaanka dimuqraadiyadeynta Puntland, isla markaana dhamaystiray Dastuurka”

Waxa uu sidoo kale tilmaamay in Guddigii ugu horreeyay ee doorashada la sameeyay Xilligiisa, waxaana sidoo kale la dhisay shuruucdii doorashada lana dhameystiray barnaamijyo muhiim u ahaa hormarka Puntland.

Madaxweynaha waqtigiisu dhamaaday ee Siciid Cabdullaahi Deni, ayaa lagu eedeeyay in uu fidno ka dhex hurinayo bulshada Puntland, isla markaana uu kala qaybinayo, si uu u gaaro dano siyaasadeed.

Dadka dhaliila ayaa ka cabsi qaba in isbadalka dimuqraadiyadeed ee ka jira Puntland ay dib u dhac uga yimaado siyaasadaha Deni oo ku dhisan go’aano hal dhinac ah.

GAROWE ONLINE