Xubno ku biiraya wasiirada Puntland oo la magacaabay

Image
Madaxtooyadda Puntland ayaa faafisay wareegtadda magacaabida labadan xubnood.

GAROWE, Puntland - Madaxwayne Saciid Cabdullaahi Deni ayaa Sabtida maanta ah wuxuu magacaabay laba xubnood oo kamid noqonaya Golaha Wasiiradda ee dowladda Puntland kadib wareegto uu soo saarey.

Cabdifataax Maxamed Cabdinuur ayaa loo magacaabay Wasiiru- Dowlaha Madaxtooyada Dowladda Puntland, halka Maxamed Cabdirisaaq Dayib loo xushay Wasiir Ku-xigeenka Wasaaradda Xannaanada Xoolaha.

HOOS KA AKHRISO WAREEGTADA

MADAXWEYNAHA OO MAGACAABAY XUBNO KA MID AH GOLAHA WASIIRADA.

Garoowe: 10 September 2022: Madaxweynaha Dowladda Puntland Mudane Siciid Cabdullaahi Deni, ayaa soo saaray Xeer Madaxweyne Lr. 40 ee 10-ka September 2022, kuna saabsan magacaabid Wasiiro ka tirsan Golaha Xukuumadda Dowladda Puntland.

Madaxweynaha Dowladda Puntland

Markuu arkay: Dastuurka Dowladda Puntland Qodobkiisa 80-aad faqradiisa 5aad.

Marku arkay: Aqoontooda, kartidooda iyo Waayo-aragnimadooda shaqo.

Markuu tixgeliyey: Baahida loo qabo dhamaystirka Golaha Xukuumadda Dowladda Puntland.

Markuu garawsaday: Shaqada baaxadda weyn ee shacabka Puntland ka sugayo xukuumadda.

Marku la tashaday: Madaxweyne Ku-xigeenka Dowladda Puntland

1. Waxaa Cabdifataax Maxamed Cabdinuur loo magacaabay Wasiiru- Dowlaha Madaxtooyada Dowladda Puntland.

2. Waxaa Maxamed Cabdirisaaq Dayib loo magacaabay Wasiir Ku-xigeenka Wasaaradda Xannaanada Xoolaha

3. Xeerkani wuxuu dhaqan geleyaa markuu Madaxweynuhu saxiixo, Wuuna saxiixay.


Cabdifitaax ayaa ahaa Agaasimaha Xarunta Gurmad Qaran ee Xafiiska Ra’iisul Wasaaraha Soomaaliya. Sidoo kale, wuxuu soo noqdey lataliye sarre oo dhanka siyaasadda ee isla xafiiska ra'iisul wasaaraha dalka ah.

GAROWE ONLINE

Related Articles

Booliska Puntland oo fahfaahin ka bixiyay is-rasaaseyntii koontaroolka Bari ee Garoowe

Baaritaan rasmi ah ayaa socda, waxaana dhammaan eedeysanayaasha la hor geyn doonaa sharciga, ayuu lagu yiri qoraalka booliska.

  • Puntland

    22-03-2025

  • 02:00PM

Duqeyn Cirka ah oo Imaaraadka Carabta Ku Bartilmaameedsatay Saldhigyada ISIS ee Puntland

Taageeradda Cirka ee imaaraadka Carabta ayaa la filayaa inay kordhiso awoodda Ciidanka Puntland, oo aad u daciifiyay ISIS.

  • Puntland

    11-03-2025

  • 07:45PM