Doorashada duqa magaalada Garowe oo ka bilaabatey PDRC
-
- Posted On 20-08-2015, 08:09AM
20 August, 2015 (GO)- Waxaa saaka ka bilowdey xarunta PDRC ee magaalada Garowe doorashadii duqii magaalada Garowe iyadoo halkaas isugu yimaadeen dadweyne aad u farabadan kuwasoo raba iney wax ka ogaadaan natiijada codbixintaas.
Wasiirka arrimaha gudaha Puntland Axmad Karaash iyo guddiga farsamada uu madaxda u yahay ayaa sidoo kale goobta ku sugan.
Musharaxiinta xilka ayaa waxa ay goobta ka jeediyeen khudabado la siiyey muddo 5 daqiiqo ah iyadoo mid walba ka hadlayo qorshihiisa waxqabad ee shanta sano ee socota.
Wareegii Kowaad ee dorashada ayaa ku dhamaatey
Wareega koowaad waxaa hoggaaminaya Axmed Siciid Geelle. 7 cod Cawil Shiikh Xaamid 7 Cod. Xassan Goodir 6 Cod. Iyo Maxamed Sooyaal oo 5 cod helay.
Wareega labaad waxaa u tartamaya Axmed Geelle .Cawil.Shiikh Xaamud iyo Xassan Goodir.
Dhowaan ayaa idiin soo gudbineynaa natiijada wareega labaad.
Tabinta warkaan waxaa iska leh xuquudiisa Cali Cabdi Ducale oo ka tirsan Idaacada Radio Garowe
GAROWEONLINE
