Ethiopian Airlines oo bilowday duulimaadyada joogtada ee Puntland

Image
Image
Image

GAROWE, Puntland – Shirkadda duulimaadka Itoobiya ayaa Isniinta maanta ah si rasmi ah u bilowday duulimaadyadda joogtada ah ee degaanada Puntland.

Munaasabada soo dhaweynta oo ka qabsoontay garoonka diyaaradaha magaaladda caasimada ah ee Garowe ayaa waxaa ka qeybgalay mas'uuliyiin kala gedisan.

Ethiopian Airlines ayaa todobaadkii saddex jeer waxay duulimaadyo ku tegi doontaa Garowe, caasimada Puntland, iyo Boosaso, xarunta gobolka Bari, sida ay ku sheegtay bayaan.

Talaabadaasi ayaa waxay qeyb ka tahay is-afgarad ay isla meel-dhigeen mas'uuliyiinta shirkaddaasi iyo madaxweyne Saciid Cabdullaahi Deni, bil kahor.

Shirkado kale oo caalami ah sida Fly Dubai ee wadanka Imaaraadka ayaa kusoo wajahan madaarada Puntand, sidda ay ka dhawaajisay Wasaaradda Duulista Hawadda.

Madaarada caalamiga ah ee Garowe iyo Boosaaso ayaa waxay safka hore uga jiraan garoomada Soomaaliya ee ugu wanaagsan dhanka badqabka iyo ammaanka.

Hirgelinta Ethiopian Airlines ee duulimaadyadda joogtada ah ayay xukuumada Puntland ku macneysay mid door ka qaadeyso sare u kaca dhaqaalaha iyo isu socodka dadka.

Si lamid ah waxay fursad muhiim ah u tahay Shirkada Maalgashiga Puntland kaasi oo bisha September ka furmaya Garowe, ayna haatan socoto qabanqaabadiisa.

HOOS KA DAAWO MUUQAALKA

GAROWE ONLINE

Related Articles

Ciidamada Difaaca Puntland oo Guulo Ka Gaaray Dagaalka Dhulka ee Ka Dhanka ah ISIS

Dhinaca kale, khubaro dhinaca amniga ah ayaa ku tilmaamay guushan mid wiiqaysa awoodda kooxda ISIS ee gobolka Bari.

  • Puntland

    20-01-2025

  • 11:35AM

Soomaaliya: Puntland oo horumar weyn ka sameysay Howlgalka Hilaac ee ka socda G/Bari

Dagaalyahannada ISIS ayaa la kulmay khasaare weyn toddobaadyadii u dambeeyay kadib markii Madaxweynaha Puntland.

  • Puntland

    14-01-2025

  • 10:39AM