Gaas oo tagey Godad
-
- Posted On 29-08-2015, 11:58AM
29 Augusto,2015(GO)-Safar aan la sii shaacin ayaa maanta madaxweynaha Puntland Cabdiwali Maxamed Cali "Gaas" ku tagey xerada ciidamada Darawishta Puntland ku leeyihiin deegaanka Godod ee Gobolka Mudug.
Ujeedka madaxweynaha Puntland ee xeradaasi ayaa lagu sheegey inay tahay u kuurgalidda xaaladda cidamadaasi, waxaana sidoo kale uu xariga ka jaray sida wararka ku helayo Garoweonline darbi laga dhisay xeradaasi.
Madaxweynaha ayaa dib ugu soo laabtey Galkacyo waxana uu saacada soo socda so xiri doona shirka wadatashiga Puntland ee ka socdey magalada Galkacyo ee xarunta gobolka Mudug.
GAROWEONLINE
