Gaas "Waan fulinaynaa go'aamada ka soo baxay shirka" [Dhagayso]

29 Augusto,2015(GO)-Madaxweynaha Puntland oo soo xirey shirka wadatshiga Puntland ee Galkacyo ka socanayay ayaa ka hadlay shirkan iyo qaabku u socdey waxana uu sheegey in lama huraan ay tahay in bulshada reer Puntland ka tashadaan ayahooda.

Gaas waxa uu sheegey in shirkan looga hadlay arimo muhiim ah oo ay ka mid yihiin Amniga,nidaamka dimuqraadiyaynta, tabashooyinka jira iyo Cadaaladda oo tilmaamey in Puntland aan laga hirgalin karin hadii aan laga helin bulshada dhinaceeda.

Madaxweynaha ayaa sidoo kale waxa uu xusey inuu ku raacey Ergada shirka go'aamada ay soo saareen waxaana uu tilmaamey inay ka xukuumad ahaan fulinayaan hadii dhanka shacabka ay ka soo fusho.

Mar uu ka hadlay nidaamka dimuqraadiyaynta Puntland ayuu sheegey inay awoodan u gudbidda nidaamka asxaabta badan, balse waxa uu shacabka ugu baaqey inaysan nidaamka u badalin mid qabali ah.

Ugu dambey gaas ayaa sheegey inay Puntland leedahay cadow badan taaso uu tilmaamey inay looga gudbi karo midnimo iyo isku duubni.

GAROWEONLINE