Galkacayo: Madaxweyne Gaas oo xarigga ka jaray saldhig boolis
-
- Posted On 18-08-2015, 10:22AM
August 18, 2015 (GO)- Madaxweynaha Puntland Cabdiweli Maxamed Cali Gaas ayaa magaalada Gaalkacyo xarigga kaga jaray saldhigga booliska gobalka Mudug oo dib u habeyn lagu sameeyey.
Xafladda xarig-jarka waxaa kasoo qeyb galay Gudoomiye ku xigeenka Gobalka Mudug Axmed Muuse Nuur , Taliyaha Ciidanka Booliiska Puntland Gen, Cabdirisaaq Afguduud , Saraakiil katirsan ciidanka Booliska Puntland iyo masuuliyiin kale.
Madaxweyne Gaas ayaa markii uu xarigga ka jaray xaruntaas cusub , wuxuu kormeeray qaybaha ay ka kooban tahay.
Saraakiisha booliska ayuu Madaxweynuhu kula dardaarmay in ay ilaaliyaan xaruntaas cusub nidaamkeeda shaqo iyo weliba nadaafaddeeda.
Madaxweynaha Puntland iyo wafdi ballaaran oo uu hoggaamiyo ayaa muddo asbuuc ah ku sugan magaalada Gaalkacayo, halkaaso la filayo in ay todobaad kale sii joogaan.
GAROWE ONLINE
