Gudomiyaha cusub ee Garowe oo xilka la wareegay
-
- Posted On 30-08-2015, 09:46AM
30 Augusto, 2015(GO)-Duqa cusub ee degmada Garowe Xasan Maxamed Ciise"Goodir" ayaa maanta xilka si rasmi ah ula waregay ka dib munasabad kooban oo lagu qabtey xarunta dowladda hoose ee degmada Garowe.
Xilwarejinta waxaa goob joog ka ahaa Masuliyiin ka socota wasaraddaha arimaha gudaha, Caafimaadka iyo xubnaha golaha deegaanka degmada Garowe.
Duqii KMG aha ee degmada Axmed Siciid Geelle"Shoodhe" ayaa sheegey inu la shaqeynayo gudoomiyaha cusub, balse waxa uu carabka ku dhuftey inuu ku sii jiri doono saaxadda siyasadda.
Xasan Maxamed Ciise"Goodir" ayaa tilmaamey inuu dardar galin doono shaqada dowladda hoose, waxqabadkiisa ayuu xusey inuu u dib dhigan doono xaflad uu ku tilmaamey Caleemo saarkiisa.
Dhawaan ayaa doorasho ka dhacdey Garowe waxaa ku guuleystay xilka Mayarka Garowe Xassan Goodir oo ka mid ah Ganacsatada magalada.
GAROWEONLINE
