Guddoomiyihii Bari oo u dalacay Aqalka Sare ee Soomaaliya

Cabdisamad Yuusuf Maxamed [Abwaan] ayaa afarta sano ee soo aadan meteli doono dowlada Puntland.

GAROWE, Puntland - Guddoomiyihii gobolka Bari, Cabdisamad Yuusuf Maxamed [Abwaan], guddoomiyihii gobolka Bari, ayaa u dalacay Aqalka Sare ee baarlamaanka federaalka kadib doorasho ka dhacdey Garowe.

Mr Abwaan ayaa cod-taag ah ugu guuleystay xubinimada Senate-ka ee federaalka isaga oo helay 64 cod kadib markii uu tartanka ka haray Ismaaciil Mire Muumin, sida uu shaaciyey guddoonka.

Guuleystaha ayaa khudbadiisa wuxuu ku caddeeyay in uu diiradda saari doono sidii uu metelaad dhab ah u sameyn lahaa afarta sano ee soo aadan isla markaana ka shaqeyn doono danaha Puntland.

Kursiga uu kusoo baxay Mr Abwaan oo mar soo noqdey wasiirka ganacsiga Puntland waxaa afartii sano ee lasoo dhaafay ku fadhiyey Senator Maxamuud Mashruuc oo liiska iska dhex-waayey.

Puntland oo la aas-aasay 1998-dii ayaa Senate-ka Soomaaliya waxay ku leedahay 11 xubnood. Kaliya waxaa lamid ah Somaliland halka dhamaan maamulada kale ay ku leeyihiin golahan min 8 xubnood.

Sida uu xeerinayo dastuurka ku meelgaarka ah ee Soomaaliya oo ah kan ugu badan ee maalgelinta lagu sameeyay, Aqalka Sare ayaa metela danaha dowlad goboleedyadda xubnaha ka ah dowladda federaalka.

Doorashadda Aqalka Sare ayaa qorshuhu ahaa in ay bilaabato 25-ka July, 2021, balse waxaa dib-u-dhaca ku keenay khilaafaad kasoo shaac-baxay qadiyadda kuraasta goboladda waqooyi oo wali aan xal loo helin.

GAROWE ONLINE