Jabuuti oo kordhineysa tirada ciidamada ka jooga Soomaaliya
-
- Posted On 06-06-2015, 06:50AM
June 6, 2015 (GO)- Dowladda Jabuuti ayaa wadda qorshe ay ku kordhineyso tirada ciidamada ka jooga Soomaaliya ee qaybta ka ah hawlgalka nabad ilaalinta Midowga Afrika ee AMISOM.
Kulan ay Khamiistii ku yeesheen magaalada Addis Ababa Guddoomiyaha Guddiga Nabadda iyo Amniga Midowga Afrika Smail Chergui iyo Danjiraha Jabuuti u fadhiya Ethiopia ayaa lagu saxiixey qorshe Jabuuti ku dooneyso inay hal cutub oo ciidamadeeda militeriga ka tirsan ku keento Soomaaliya.
Jabuuti oo kusoo biirtey hawlgalka nabad-ilaalinta AMISOM bishii December sanadkii 2011, waxaa Soomaaliya horay uga joogey 960 askari oo badankoodu ka hawlgala gobolka Hiiraan.
GAROWE ONLINE
