Kaalin intee la’eg ayay Haweenka SSC-Khaatumo ka qaadan karaan xallinta khilaafka siyaasadeed ee Puntland?

GAROWE, Soomaaliya - Dallada Mucaaradka Puntland ayaa soo dhaweysay wafdi ka socday Ururka Haweenka SSC-Khaatumo, kuwaas oo Garoowe u yimid sidii ay uga qayb qaadan lahaayeen xalinta khilaafka siyaasadeed ee Puntland.

Madaxa ururka haweenka SSC-Khaatumo Sahra Kin Cabdi Xirsi ayaa wafdigan ku hogaaminaysay kulanka ay la qaateen Dallada mucaaradka Puntland.

Dadaalkan wadajirka ah ayaa hoosta ka xariiqaya muhiimadda ay leedahay in la dhagaysto aragtiyaha kala duwan lana qabto wadahadal loo dhan yahay si xal loogu helo caqabadaha siyaasadeed ee taagan.

Tallaabadan oo ay qaadeen ururka Haweenka SSC-Khaatumo ayaa muujinaya doorka muhiimka ah ee haweenku ka ciyaaraan horumarinta nabadda iyo xasilloonida dalka.

GAROWE ONLINE