Karaash oo difaacey dib u dhaca dhismaha golayaasha deegaanda
-
- Posted On 02-08-2015, 05:45PM
August 2, 2015 (GO)- Wasiirka Arimaha Gudaha Puntland Axmed Cilmi Cismaan (Karaash) ayaa ka warbixiyey sababta keentay dib u dhaca ku yimid dhismaha goleyaasha deegaanka Garowe iyo Bosaso.
Karaash oo waraysi gaar ah siiyey Radio Garowe, wuxuu sheegay inay ku howlan yihiin dhismaha goleyaasha deegaanka Garowe iyo Bosaso balse sababta ay usoo dhamaystiri waayeen ayuu ku weeciyey odayaasha beelaha isagoo xusay inaysan soo dhamaystirin soo xulista xildhibaannada.
Waxaa soo idlaatay muddo 45 cisho ahayd oo loo qabtey in lagu soo dhiso goleyaasha deegaanka Bosaso iyo Garowe, kadib markii May 27, 2015 Madaxweyne Gaas kala diray golaha deegaanka Bosaso, asbuuc kadibna -oo ku beegnayd- June 3, 2015 kala diray golaha deeegaanka ee Garowe.
Isla digreetooyinkii Madaxweynuhu labadaas gole ku kala diray, wuxuu Wasaaradda Arrimaha Gudaha Puntland ku amray in ay muddo bil iyo bar gudaheed ah kusoo dhisto maamullo cusub, haseyeeshee ilaa iyo hadda dowladdu wax tallaabo ah uma qaadin sidii arrintaas loo sii ambaqaadi lahaa.
GAROWE ONLINE
