Maamul kumeel gaar ah loo soo magacaabay Godob-Jiiraan
-
- Posted On 21-05-2015, 01:42PM
May 21, 2015 (GO)- Madaxweynaha Puntland Cabdiweli Maxamed Cali Gaas ayaa maamul kumeel gaar ah usoo magacaabay degmada Godob-Jiraab ee gobolka Nugaal.
Wareegto kasoo baxday xafiiska Madaxweynaha oo ku taariikheysan May 20, 2015 lambarkeeduna yahay Lr. 49 ayaa lagu sheegay in Yuusuf Maxamed Faarax loosoo magacaabay guddoomiyaha degmada, halka ku-xigeenkiisa loo magacaabay Siciid Faarax Cadde.
Wareegtada waxaa sidoo kale ku xusan in magacaabistan lagu saleeyey talo soo jeedin ka timid Wasaaradda Arrimaha Gudaha iyo qiimeyn lagu sameeyey kartida iyo aqoonta labadaas mas'uul.
GAROWE ONLINE
