Madaxweynaha cusub ee Puntland oo soo saarey amarkii ugu horeeyay
-
Wariyaha Muqdisho GAROWE ONLINE
- Posted On 08-01-2019, 02:49PM
GAROWE, Puntland - Madaxwaynaha cusub ee Puntland, mudane Saciid Cabdullaahi Deni, oo soo saarey amarkii ugu horeeyay kaasoo uu ku joojiyay in lacago lagala baxo Akoonada ay dowladda ku leedahaya Bangiga Puntland iyo Xawaaladaha gaarka.
"Sidaasi owgeeda, laga bilaabo maanta oo ay taariikhdu tahay, 8-da Janaayo 2019, waxaa la idinku adkeynayaa inaad fulisaa amarkaasi," ayaa lagu yiri wareegtada kasoo baxay xafiiska Madaxwayne Saciid Deni.
Amarkan ayaa soo baxay saacad kadib markii Deni uu kuu guuleystay doorashadda xilka Madaxweynaha oo maanta ka dhacay xarunta Gollaha Wakiiladda Puntland.
Deni oo ah dhaqaalyahan, si dhaw ula socda duruufaha Puntland ayaa tallaaban ku doonaya inuu uga hortago boob hantida dadweynaha, maadaama uu isbedel dhacay, oo wali talada wareejin maamulkii Cabdiweli Gaas.
HALKAN KA AKHRI QORAALKA DENI:
GAROWE ONLINE
