Madaxweynaha Puntland oo hambalyo u direy Axmad Madoobe
-
- Posted On 15-08-2015, 06:58PM
15 August, 2015 (GO)- Madaxwaynaha Puntland ayaa galabta hanbalyo u diray madaxwaynaha Jubbaland oo maanta lagu doortey doorasho ka dhacday magaalada kismaayo ee xarunta maamulka Jubbaland.
Cabdiwali Maxamed Cali Gaas ayaa hanbalyada u diray Axmed Maxmed "Madoobe" isagoo madaxwaynuhu uu sheegay inuu shacabka dowlada Puntland uga waddo hanbalyo waxaana uu xusay inuu ku faraxsanyahay doorashadaasi uu kusoo baxay Axmed Maxmed Islaam.
Doorashada madaxweynaha Jubaland ayaa waxaa cod aqlabiyad ah siiyey 68 xildhibnaan oo ka tirsan Barlamanka Jubaland.
Dowlada Federaalka ayaa waxaan welii kasoo bixin qoraal rasmi ah oo ay kaga hadleyso doorashada ka dhacdey maanta magaalada Kismayo.
GAROWEONLINE
